Brick Colic Drops

برک کالک کیا ہے

ایک اچھی دوا کا انتخاب کرتے وقت سب سے اہم بات جس کا خیال رکھنا انتہائی ضرور ی ہوتا ہے وہ یہ کہ دواء ہر قسم کے ناپسندیدہ اور زہریلے اثرات سے پاک ہو۔ اس بات کی اہمیت اس وقت اور بھی زیادہ بڑھ جاتی ہے۔ جب یہ دواءنومولود بچوں میں استعمال ہونے والی ہو اور مریض کی اکثر ضرورت ہونے کی وجہ سے اس کا معمول تک بن سکتی ہو، اسی خاصیت کی حامل ہونے کی وجہ سے برک کالک، بدہضمی، پیٹ درد، اپھارہ اور دیگر کئی ایک روزمرہ دیکھے جانیوالے امراض میں ایک لا جواب دوا ہے۔ بلکہ یہ دواء لا محدود مدت کیلئے بغیر کسی خطرہ کے استعمال کی جاسکتی ہے، یہاں تک کہ اس کے اکثر اجزاء اپنے مفید اثرات اور غیر سمی ہونے کی وجہ سے صدیوں سے انسانی خوراک تک میں استعمال کئے جا رہے ہیں۔ برک کالک چند ایک ایسی جڑی بوٹیوں سے تیار کردہ ہے جو مدت طویل سے آنتوں اور معدے کے افعال کو درست کرنے کے سلسلے میں بے شمار ڈاکٹروں اور مستند اطباء کے ہاں اپنی اعلیٰ کارکردگی کی وجہ سے شہرت یافتہ ہیں۔ آپ کی یاد آوری کیلئے ان کے مختصر کوائف یہاں درج کئے جاتے ہیں۔

گروپ اول:

الائچی خورد، دارچینی، زنجبیل اور سونف جو کہ کاسر ریاح ہونے کی خصوصیت رکھتیں ہیں۔

گروپ دوئم:

اجوائن خراسانی اور سنبل الطیب جو کہ دافع تشنج اور مسکن اثرات کی حامل ہیں۔

برک کالک کا طریقہ عمل:

ا-  گروپ اول ان جڑی بوٹیوں پر مشتمل ہے جو کہ اپنے فراری روغنوں کی وجہ سے مؤثر ہوتیں ہیں۔ یہ کاسر ریاح ہونے کے ساتھ ساتھ جراثیم کش بھی ثابت ہوئیں ہیں۔ یہ فراری روغن معدہ اور آنتوں کے افعال کو تیز کرتے ہیں اور ہلکے سے مخرش ہونے کی وجہ سے فوراً ریاح کو خارج کردیتے ہیں۔ اسی وجہ سے برک کالک سیرپ اور خصوصاً ڈراپس چند ثانیوں میں ریح سے ہونے والی پیٹ درد رفع کردیتے ہیں۔ جبکہ عام انگریزی ادویات صرف دافع تشنج ہونے کی وجہ سے اپھارہ میں اضافہ کا باعث بن سکتیں ہیں۔

ب-  گروپ دوئم میں شامل دونوں اجزاء کا مناسب مقدار میں اکٹھے استعمال کی وجہ سے ان کا مجموعی اثر بحیثیت دافع تشنج اور مسکن ان کے علیحدہ علیحدہ اثر کی نسبت بہت قوی ہوگیا ہے۔ ان دو کے مسکن اثرات پیٹ کے امراض میں مبتلا مریض کو خصوصاً جب وہ بچہ ہو، پرسکون بنا کر حالات پر قابو پانے میں طبیب کے مددگار ثابت ہوتے ہیں۔

برک کالک کہاں استعمال کرنا چاہیے:

  فوری پیدا ہونے والی اور دیرینہ بدہضمی، انتڑیوں اور معدہ کی درد، اپھارہ، متلی، قئے اور بدہضمی کی وجہ سے بھوک میں کی کمی۔

برک کالک کے ممکن ناپسندیدہ اثرات: مقررہ اور مجوزہ مقدار خوراک میںکسی قسم کے برے اثرات یا ناپسندیدہ محسوسات نہیں پائے گئے۔

مقدار خوراک:

برک کالک سیرپ: ایک سے دو بھرے ہوئے کھانے والا چمچ دن میں تین مرتبہ۔ کھانے کے بعد
برک کالک ڈراپس : ایک قطرہ فی کلو گرام بچے کے جسمانی وزن کے لحاظ سے دن میں تین مرتبہ۔

شدت مرض میں اگر پیٹ درد رفع نہ ہو تو پندرہ منٹ کے اندر دواء کا استعمال دھرایا جا سکتا ہے، دیرینہ امراض میں پائیدار نتائج کے حصول کیلئے دوا کا استعمال کم از کم دس دن کرناچاہیے۔ عمل ہاضمہ کو تیز کرنے کی وجہ سے برک کالک سیرپ اور ڈراپس بھوک بڑھاتے ہیں یوں صحیح مقدار میں غذا استعمال کرنے کی وجہ سے مریض، خصوصاً لاغر بچے تندرست نظر آنے لگتے ہیں۔

ڈراپس:۲۰ ملی لیٹر ڈراپر بوتل۔